Mae Angen Llais Arnoch Chi, Mae Angen Enw Arnom Ni
Mae Cyngor Wrecsam ac AVOW (Cymdeithas Mudiadau Gwirfoddol) yn Wrecsam wedi bod yn gweithio gyda grŵp o bobl ifanc i lansio fforwm i gael gwybod a chlywed barn pobl ifanc.
Rydym eisiau tua chwe deg o bobl ifanc yn y grŵp hwn fydd yn cynrychioli pobl ifanc yn Wrecsam, yn cael clywed eich lleisiau a bod yn rhan o'ch cymuned. Bydd hyn yn sicrhau bod Wrecsam yn cyflawni Erthygl 12 UNCRC (Cytundeb y Cenhedloedd Unedig ar Hawliau'r Plentyn).
Pobl ifanc fydd yn penderfynu pynciau'r cyfarfodydd a gallant fod yn unrhyw beth o gwbl sy'n effeithio ar bobl ifanc yn Wrecsam. Gallai rhai ohonynt gynnwys cludiant, ysgolion neu'r amgylchedd.
Cyn dechrau arni, y peth cyntaf sydd arnom ei angen yw enw ar y grŵp hwn. Dros dro, mae'n cael ei alw'n Senedd yr Ifanc ac mae gennym awgrymiadau eraill ond rydym yn dal i chwilio am enwau.
Os oes gennych unrhyw awgrymiadau yna rhowch y manylion isod a bydd eich enw'n cael ei roi mewn raffl i ennill tocynnau sinema am ddim i'r Odeon, bowlio deg am ddim a phrydau am ddim yn Nando's.
Yna bydd pleidlais ar yr enwau a awgrymwyd.
INFO Shop
2 Arcêd y Gogledd
Stryd Caer
Wrecsam
LL13 8BB
01978 358900
infoshop@wrexham.gov.uk